پنجاب حکومت نے مارچ اور اپریل کے دوران مختلف مذاہب کے اہم مذہبی تہواروں کے پیش نظر اقلیتی برادریوں کے لیے خصوصی مالی امداد فراہم کرنے کا فیصلہ کیا ہے۔
کالا خطائی میں والدہ کے قاتل سوتیلے بیٹے حسنین کو گرفتار کر لیا گیا ڈی پی او بلال ظفر شیخ
تفصیلات کے مطابق ہندو برادری 13 اور 14 مارچ کو ہولی، سکھ برادری 14 اپریل کو خالصہ جنم دن اور وساکھی، جبکہ مسیحی برادری 20 اپریل کو ایسٹر کا تہوار منائے گی۔ رمضان المبارک کے بعد مسلمان عید الفطر منائیں گے۔
صوبائی وزیر برائے اقلیتی امور سردار رمیش اروڑہ نے ایکسپریس نیوز سے گفتگو کرتے ہوئے بتایا کہ پنجاب حکومت کی جانب سے مستحق مسیحی، سکھ اور ہندو خاندانوں کو 15 ہزار روپے فی خاندان اسپیشل گرانٹ دی جائے گی تاکہ وہ اپنے مذہبی تہوار خوش اسلوبی سے منا سکیں۔
انہوں نے کہا کہ وزیراعلیٰ پنجاب اقلیتوں کو اپنے سر کا تاج سمجھتی ہیں اور ان کی فلاح و بہبود کے لیے ہر ممکن اقدامات اٹھائے جا رہے ہیں۔
واضح رہے کہ اس سے قبل پنجاب حکومت نے رمضان نگہبان پروگرام کے تحت صوبے کے 30 لاکھ مستحق شہریوں کو 10 ہزار روپے فی کس مالی امداد فراہم کرنے کا بھی اعلان کیا تھا۔