ڈی پی او بلال ظفر شیخ کی قیادت میں پولیس نے کالا خطائی کے علاقے میں والدہ کو قتل کرنے والے سوتیلے بیٹے حسنین کو ضلع گوجرانوالہ سے گرفتار کر لیا۔
پشاور ہائی کورٹ: خدیجہ شاہ کی حفاظتی ضمانت میں 15 اپریل تک توسیع، وزارت داخلہ اور نیب سے مقدمات کی تفصیلات طلب
تفصیلات کے مطابق ملزم حسنین نے چند روز قبل شارع عام پر فائرنگ کر کے اپنی سوتیلی والدہ مصباح کو قتل کر دیا تھا اور واردات کے بعد موقع سے فرار ہو گیا تھا۔ خاتون کے قتل پر انسپکٹر جنرل (آئی جی) پنجاب نے فوری نوٹس لیا تھا اور ڈی پی او بلال ظفر شیخ کو ملزم کی جلد گرفتاری کا حکم دیا تھا۔
ترجمان پولیس کے مطابق ڈی پی او بلال ظفر شیخ نے ملزم کی گرفتاری کے لیے متعدد خصوصی ٹیمیں تشکیل دیں، جنہوں نے شب و روز محنت کرتے ہوئے بالآخر تھانہ نارنگ پولیس کی مدد سے مجرم اشتہاری حسنین کو گوجرانوالہ سے گرفتار کر لیا۔
ترجمان کا کہنا تھا کہ "مجرم جتنا بھی شاطر ہو، قانون کی گرفت سے نہیں بچ سکتا”، اور پولیس ایسے سنگین مقدمات میں ملوث افراد کے خلاف بلاامتیاز کارروائی جاری رکھے گی۔