کراچی: ایف آئی اے کارپوریٹ کرائم سرکل کی بڑی کارروائی میں حوالہ ہنڈی اور غیر قانونی کرنسی ایکسچینج نیٹ ورک کے ایک اہم ملزم کو گرفتار کرلیا گیا۔
ابراہیم حیدری پولیس کی منشیات فروش کے خلاف کامیاب کارروائی، 505 گرام چرس برآمد
حکام کے مطابق، ملزم باسط حسین کو کراچی کے طارق روڈ پر واقع جیولری شاپ سے چھاپہ مار کارروائی کے دوران گرفتار کیا گیا۔ وہ جیولری شاپ کی آڑ میں غیر قانونی کرنسی کا کاروبار چلا رہا تھا۔
چھاپے کے دوران 60 لاکھ روپے اور 35 ہزار امریکی ڈالر برآمد کیے گئے، جبکہ ملزم کے قبضے سے موبائل فون اور حوالہ ہنڈی سے متعلق اہم ریکارڈ بھی ملا ہے۔
حکام کا کہنا ہے کہ ملزم برآمد شدہ کرنسی کے حوالے سے کوئی تسلی بخش وضاحت فراہم نہ کر سکا۔ یہ کارروائی ڈائریکٹر کراچی زون کی ہدایت پر خفیہ اطلاع کی بنیاد پر کی گئی۔
ملزم کو گرفتار کرکے مزید تفتیش کا آغاز کر دیا گیا ہے جبکہ نیٹ ورک میں شامل دیگر ملزمان کی گرفتاری کے لیے چھاپے جاری ہیں۔
