پاکستان اسٹاک ایکسچینج (PSX) میں جمعہ کے روز مثبت رجحان دیکھا گیا، جہاں کے ایس ای-100 انڈیکس 1,345 پوائنٹس (1.2 فیصد) اضافے کے ساتھ 113,088 پوائنٹس پر بند ہوا، جو گزشتہ روز 111,743 پوائنٹس پر تھا۔
وزیراعلیٰ پنجاب مریم نواز کا نارووال میں ترقیاتی منصوبوں کا افتتاح، حکومت کی کارکردگی پر اظہارِ اطمینان
چیس سیکیورٹیز کے ڈائریکٹر ریسرچ یوسف ایم فاروق نے اس اضافے کی وجہ اچھے کارپوریٹ نتائج اور نئی ادارہ جاتی خریداری کو قرار دیا۔ ان کے مطابق، معیشت میں بحالی کے آثار نمایاں ہو رہے ہیں، جبکہ کرنٹ اکاؤنٹ خسارہ اور حقیقی شرح تبادلہ کے اعداد و شمار کے باعث سرمایہ کاروں میں اعتماد بڑھا ہے۔
انہوں نے مزید کہا کہ "متعدد سرمایہ کاروں کو یقین ہے کہ پاکستانی روپے کی قدر میں کمی متوقع ہے، اور تیزی سے قدر میں کمی طویل مدتی استحکام میں معاون ثابت ہو سکتی ہے۔”
اقتصادی سرگرمیوں کے حوالے سے یوسف فاروق نے کہا کہ ایندھن کی کھپت، موٹر سائیکل اور گاڑیوں کی فروخت میں بہتری آ رہی ہے، تاہم بڑے پیمانے پر مینوفیکچرنگ (LSM) اب بھی دباؤ کا شکار ہے۔
واضح رہے کہ اسٹیٹ بینک آف پاکستان کے مطابق، جنوری میں 3 ارب ڈالرز کی ترسیلات زر موصول ہوئیں، جس کے بعد اسٹاک مارکیٹ میں مثبت رجحان دیکھنے میں آیا۔
ماہرین کا کہنا ہے کہ اگر معیشت میں استحکام برقرار رہا اور پالیسی سازوں نے درست فیصلے کیے تو پاکستانی اسٹاک مارکیٹ مزید بہتری کی جانب گامزن ہو سکتی ہے۔