لاہور میں وفاقی وزیرداخلہ محسن نقوی نے شہید لیفٹیننٹ محمد حسان اشرف کی رہائش گاہ واپڈا ٹاؤن کا دورہ کیا اور شہید کے والد محمد اشرف، بھائی محمد حنان اشرف اور دیگر اہل خانہ سے ملاقات کی۔ وزیر داخلہ نے جوان سال بیٹے کی شہادت پر سوگوار خاندان سے گہرے دکھ اور افسوس کا اظہار کیا اور اُنہیں دلاسہ دیا۔
پشاور اور کرم میں عسکریت پسندوں کے حملے، 5 سیکیورٹی اہلکار شہید، نئے آپریشن کا آغاز
محسن نقوی نے شہید لیفٹیننٹ محمد حسان اشرف کی بہادری کو زبردست الفاظ میں خراج عقیدت پیش کیا اور کہا کہ "لیفٹیننٹ محمد حسان اشرف جیسے بہادر سپوت قوم کا فخر ہیں۔” اُنہوں نے شہید کے والد اور بھائی کے بلند حوصلے کو سراہا اور کہا کہ "شہید لیفٹیننٹ محمد حسان اشرف کے بلند حوصلہ والد کو دیکھ کر ہمارا عزم مزید مضبوط ہوا ہے۔”
وزیرداخلہ محسن نقوی نے ایصال ثواب کے لئے فاتحہ خوانی کی اور سوگوار خاندان کے صبر جمیل کی دعا کی۔
انہوں نے یہ بھی کہا کہ "شہدا وطن قوم کا سرمایہ افتخار ہیں” اور ہمارا ایمان ہے کہ شہید ہمیشہ زندہ رہتے ہیں اور شہید لیفٹیننٹ محمد حسان اشرف ہمیشہ ہمارے دلوں میں زندہ رہیں گے۔