موٹر سائیکل چوری میں ملوث ملزم گرفتار، مسروقہ موٹر سائیکل برآمد
امریکہ کا اسرائیل کو دھماکہ خیز مواد فراہم کرنا بڑی جنگ کا پیش خیمہ ہے: ثروت اعجاز قادری
ضلع کیماڑی کے تھانہ سائیٹ اے پولیس نے سائیٹ ایریا سیمینز چورنگی کے قریب کارروائی کرتے ہوئے موٹر سائیکل چوری میں ملوث ایک ملزم کو گرفتار کرلیا۔ ایس ایس پی کیماڑی کیپٹن (ر) فیضان علی کے مطابق ملزم کے قبضے سے رضویہ کے علاقے سے چوری کی گئی ہنڈا 125 موٹر سائیکل برآمد ہوئی۔
گرفتار ملزم کی شناخت گل زادہ کے نام سے ہوئی ہے، جس کے قبضے سے برآمد ہونے والی موٹر سائیکل تھانہ رضویہ میں درج مقدمہ نمبر 48/25 بجرم دفعہ 381A میں مسروقہ تھی۔
پولیس ریکارڈ کے مطابق ملزم ایک پیشہ ور اور عادی جرائم پیشہ شخص ہے، جو اس سے قبل بھی مختلف سنگین مقدمات میں گرفتار ہو چکا ہے، جن میں درج ذیل مقدمات شامل ہیں:
مقدمہ نمبر 543/2024 بجرم دفعہ 6/9-B تھانہ مومن آباد۔
مقدمہ نمبر 291/2017 بجرم دفعہ 23(i)a تھانہ موچکو۔
مقدمہ نمبر 19/2017 بجرم دفعہ 324/34 تھانہ مومن آباد۔
مقدمہ نمبر 294/2017 بجرم دفعہ 392/34 تھانہ بلدیہ۔
ایس ایچ او تھانہ سائیٹ اے انسپکٹر چوہدری جاوید اختر کی سربراہی میں پولیس پارٹی نے بروقت کارروائی کرتے ہوئے ملزم کو گرفتار کیا۔ مزید تفتیش کے لیے ملزم کو اینٹی وہیکل لفٹنگ سیل کے حوالے کر دیا گیا ہے۔
