اسلام آباد: پاکستان تحریک انصاف (پی ٹی آئی) کے بانی عمران خان نے پارٹی ڈسپلن کی مسلسل خلاف ورزی پر شیر افضل مروت کو پارٹی سے نکال دیا۔
کراچی: شبِ برات کے موقع پر میئر کراچی کے خصوصی احکامات، واٹر کارپوریشن ہائی الرٹ
ذرائع کے مطابق، شیر افضل مروت کو پارٹی کے خلاف بیانات دینے پر پہلے شوکاز نوٹس جاری کیا گیا تھا، تاہم بار بار ڈسپلن کی خلاف ورزی کے باعث انہیں پارٹی سے نکالنے کا فیصلہ کیا گیا۔ صوابی جلسے میں غیرضروری تقریر پر عمران خان نے شدید برہمی کا اظہار کیا، جس کے بعد پی ٹی آئی رہنماؤں نے شیر افضل مروت کی بنیادی رکنیت ختم کرنے کا فیصلہ کیا۔
مزید یہ کہ، پارٹی جلد ہی ان کی بنیادی رکنیت ختم کرنے کا باضابطہ نوٹیفکیشن جاری کرے گی، جس کے بعد ان سے بطور ایم این اے استعفیٰ طلب کیا جائے گا۔ ذرائع کے مطابق، شیر افضل مروت کے صوابی جلسہ میں کردار پر پارٹی رہنماؤں نے عمران خان سے باضابطہ شکایت کی تھی۔