اکشے کمار نے انکشاف کیا کہ انہیں فلم ’بھول بھلیاں‘ کے سیکوئل سے نکال دیا گیا تھا

بالی ووڈ کے معروف اداکار اکشے کمار نے حال ہی میں ایک ایونٹ میں انکشاف کیا کہ انہیں فلم بھول بھلیاں کے سیکوئل سے نکال دیا گیا تھا۔ بھارتی میڈیا کے مطابق اکشے کمار نے مداحوں کے سوالات کے دلچسپ جوابات دیے، جن میں کامیڈی فلموں میں کم کام کرنے اور بھول بھلیاں کے سیکوئلز میں ان کی غیر موجودگی کی وجہ بھی شامل تھی۔

پاکستان کی چیمپئنز ٹرافی 2025 کے افتتاحی تقریب میں روہت شرما کی ممکنہ غیر حاضری پر تشویش

جب اکشے سے پوچھا گیا کہ وہ پچھلے دس سال میں کامیڈی فلموں میں کم کیوں نظر آئے، تو اکشے نے کہا کہ انہوں نے حالیہ برسوں میں زیادہ تر سماجی مسائل پر مبنی فلموں پر توجہ دی۔ انہوں نے وضاحت کی کہ کامیڈی فلموں میں وہ پہلے ہی بہت کام کر چکے تھے اور کچھ مختلف کرنے کے لیے انہوں نے سماجی موضوعات پر مبنی فلموں کا انتخاب کیا۔

اکشے نے یہ بھی بتایا کہ وہ دوبارہ کامیڈی کی جانب لوٹ رہے ہیں اور اس وقت بھوت بنگلا، ویلکم اور ہاؤس فل 5 جیسی بڑی کامیڈی فلموں کی شوٹنگ کر رہے ہیں۔

جب انہیں بھول بھلیاں کے سیکوئلز میں شامل نہ ہونے کی وجہ پوچھی گئی تو اکشے نے انکشاف کیا کہ انہیں اس فلم سے نکال دیا گیا تھا، تاہم انہوں نے اس کے پیچھے کی کوئی خاص وجہ بیان نہیں کی۔