کراچی: پاکستان ہاکی فیڈریشن اور پاک فوج کی مشترکہ کاوشوں سے کراچی میں ہاکی گراؤنڈ ایک طویل انتظار کے بعد نیشنل اور انٹرنیشنل ٹورنامنٹس کے لیے تیار کر دیا گیا۔ پی ایچ ایف اور پاک آرمی کے تعاون سے ہاکی سٹیڈیم نے جدید معیار پر مبنی تعمیر و ترقی کے بعد ایک خوبصورت منظر پیش کیا، جہاں ہاکی کے شائقین کا جم غفیر چیمپئن شپ دیکھنے پہنچا۔
ایس ایچ او زمان ٹاؤن رضوان قریشی کی قیادت میں گٹکا ماوا مافیا اور اسٹریٹ کرمنلز کے خلاف بڑی کارروائیاں، چار ملزمان گرفتار
68ویں ڈی ایچ اے کراچی قومی ہاکی چیمپئن شپ 2024 کا انعقاد کیا گیا، جس میں ملک بھر سے 14 ٹیموں نے حصہ لیا۔ ٹورنامنٹ میں عوام کا جوش و خروش قابل دید رہا، خصوصاً سیمی فائنلز اور فائنل میچ کے دوران شائقین کھلاڑیوں کی بھرپور حوصلہ افزائی کرتے نظر آئے۔
سیمی فائنلز اور فائنل:
ٹورنامنٹ کے سیمی فائنلز میں پاکستان کسٹمز نے نیشنل بینک کو اور ماڑی پیٹرولیم نے ائیر فورس کو شکست دے کر فائنل میں جگہ بنائی۔ فائنل میچ میں پاکستان کسٹمز اور ماڑی پیٹرولیم کے درمیان سنسنی خیز مقابلہ ہوا، جہاں پاکستان کسٹمز نے 9 گولز کے مقابلے میں 10 گولز سے کامیابی حاصل کر کے چیمپئن کا اعزاز اپنے نام کیا۔
تقریب تقسیم انعامات:
68ویں قومی ہاکی چیمپئن شپ کی اختتامی تقریب کے مہمان خصوصی کور کمانڈر کراچی لیفٹیننٹ جنرل بابر افتخار تھے۔ انہوں نے فاتح ٹیموں اور کھلاڑیوں میں انعامات تقسیم کیے اور ہاکی کے فروغ میں ان کے جذبے کو سراہا۔
کور کمانڈر نے اپنے خطاب میں کہا:
"ہاکی ہمارا قومی کھیل ہے اور ہمیں اس کے فروغ کے لیے تمام اسٹیک ہولڈرز کے ساتھ مل کر کام کرنا ہوگا۔ پاک فوج اس مشن میں ہمیشہ اپنا کردار ادا کرتی رہے گی۔”
پاکستان ہاکی فیڈریشن کے صدر، جنرل سیکرٹری، اور کھلاڑیوں نے پاک فوج کی خدمات پر شکریہ ادا کرتے ہوئے کہا کہ:
"پاک فوج کی مدد سے قومی کھیل کو دوبارہ زندگی ملی ہے۔ ان کی کاوشوں نے کھلاڑیوں کے حوصلے بلند کیے ہیں اور پاکستان کا نام عالمی سطح پر روشن کرنے کے لیے ہمیں تقویت بخشی ہے۔”
