تشکر نیوز: سینچورین کے سپر اسپورٹ پارک میں دو ٹیسٹ میچوں کی سیریز کے پہلے میچ میں میزبان جنوبی افریقہ نے پاکستان کے خلاف ٹاس جیت کر پہلے فیلڈنگ کا فیصلہ کیا۔ پاکستانی بلے باز میدان میں اپنی صلاحیتوں کا مظاہرہ کر رہے ہیں۔
شام کی سابق خاتون اول اسما اسد خون کے سرطان میں مبتلا، زندگی خطرے میں
پروٹیز کپتان ٹیمبا باووما نے وکٹ کی کنڈیشنز کو دیکھتے ہوئے پہلے گیندبازی کا فیصلہ کیا۔ قومی ٹیم نے اپنی پلیئنگ الیون میں 4 فاسٹ باؤلرز کو شامل کرنے کا فیصلہ کیا ہے۔ انگلینڈ کے خلاف آخری دو ٹیسٹ میچز میں ڈراپ ہونے والے بابر اعظم کی واپسی ہوئی ہے، جبکہ عبداللہ شفیق اس میچ میں جگہ نہیں بنا سکے۔
پاکستان کی اوپننگ جوڑی صائم ایوب اور شان مسعود پر مشتمل ہے، جبکہ بابر اعظم تیسرے نمبر اور کامران غلام چوتھے نمبر پر بیٹنگ کے لیے آئیں گے۔ تین سال کے وقفے کے بعد فاسٹ باؤلر محمد عباس بھی قومی ٹیم کا حصہ بنے ہیں۔
پاکستانی ٹیم کی قیادت شان مسعود کر رہے ہیں، جبکہ جنوبی افریقہ کی کمان ٹیمبا باووما کے ہاتھ میں ہے۔
پاکستانی ٹیم: شان مسعود (کپتان)، بابر اعظم، صائم ایوب، کامران غلام، سلمان علی آغا، محمد رضوان (وکٹ کیپر)، سعود شکیل (نائب کپتان)، عامر جمال، نسیم شاہ، خرم شہزاد، محمد عباس۔
جنوبی افریقہ کی ٹیم: ٹیمبا باووما (کپتان)، ایڈن مرکرم، ٹونی زی زورزی، ریان رکلٹن، ٹرسٹن اسٹبز، ڈیوڈ بیڈنگھم، کائل ویریننے (وکٹ کیپر)، مارکو جانسن، کگیسو ربادا، دین پیٹرسن، کوربن بوش۔
ٹیسٹ کی تازہ صورتحال کے لیے ہمارے ساتھ جڑے رہیے۔