کراچی: ایف آئی اے اینٹی ہیومن ٹریفکنگ سرکل نے بڑی کارروائی کرتے ہوئے گلشنِ اقبال سے 3 مفرور خواتین ملزمان کو گرفتار کر لیا۔ گرفتار خواتین ملزمان کا تعلق بنگلہ دیش سے ہے اور وہ سال 2022 سے مطلوب تھیں۔
ڈسٹرکٹ سٹی پولیس کی کارروائیاں، اسٹریٹ کرائمز اور منشیات فروشی میں ملوث 6 ملزمان گرفتار
گرفتار خواتین ملزمان کی شناخت:
عائشہ ناز
حنا ناز
افشاں ناز
کارروائی کی تفصیلات:
ملزمان نے غیر ملکی ہونے کے باوجود جعل سازی کے ذریعے پاکستانی قومی شناختی کارڈ حاصل کیا۔
ایجنٹ کی مدد سے جعلی برتھ سرٹیفیکیٹ اور ڈیتھ سرٹیفیکیٹ تیار کیے گئے، جو رضویہ سوسائٹی، لیاقت آباد ٹاؤن کے سیکرٹری یونین کونسل نے جاری کیے۔
ان دستاویزات کی بنیاد پر ملزمان نے نادرا سے قومی شناختی کارڈ حاصل کیے۔
تفتیشی پیش رفت:
ملزمان کو گرفتار کرکے تفتیش کا آغاز کر دیا گیا ہے۔
سہولت کاری میں ملوث عناصر کے خلاف تحقیقات کو وسیع کر دیا گیا ہے۔
نادرا اہلکاروں کی ممکنہ مداخلت کا تعین بھی دورانِ تفتیش کیا جائے گا۔
مزید کارروائیاں:
ملزمان کی نشاندہی پر مزید گرفتاریاں متوقع ہیں۔
سہولت کاری فراہم کرنے والے ایجنٹوں اور یونین کونسل کے ذمہ دار افراد کے خلاف سخت قانونی کارروائی کی جائے گی۔
