تشکر نیوز، بلوچستان — پاکستان کوسٹ گارڈز نے بلوچستان کے سرحدی علاقوں میں کارروائیاں کرتے ہوئے گزشتہ دو ماہ کے دوران 151 غیر قانونی تارکین وطن کو گرفتار کرلیا۔ یہ تمام افراد بغیر کسی قانونی دستاویزات یا راہداری کے غیر قانونی طریقے سے سفر کر رہے تھے۔
کوئٹہ: اختر آباد میں گیس پائپ لائن دھماکہ، تخریب کاری کا شبہ
کوسٹ گارڈز کے مطابق، ابتدائی تفتیش کے بعد گرفتار افراد کو مزید تحقیقات اور قانونی کارروائی کے لیے ایف آئی اے حکام کے حوالے کر دیا گیا ہے۔
پاکستان کوسٹ گارڈز نے اس عزم کا اعادہ کیا ہے کہ انسانی اسمگلنگ جیسی لعنت کے خاتمے کے لیے ایسی کارروائیاں مستقبل میں بھی جاری رہیں گی۔ اس مقصد کے حصول کے لیے تمام دستیاب وسائل کا بھرپور استعمال کیا جائے گا تاکہ وطن عزیز کو اس مسئلے سے نجات دلائی جا سکے۔