تشکر نیوز: شمالی وزیرستان کے علاقے سیدگئی کے قریب ایک افسوسناک ٹریفک حادثے میں مسافر کوچ گہری کھائی میں جا گری، جس کے نتیجے میں ایک شخص جاں بحق جبکہ دس دیگر مسافر زخمی ہو گئے۔ تاہم، پاک فوج کے بروقت ریسکیو آپریشن کی بدولت مزید قیمتی جانوں کو بچا لیا گیا۔
DG Abdul Rashid Solangi’s Mission vs.Corrupt Officers In SBCA
پاک فوج کے شعبہ تعلقات عامہ (آئی ایس پی آر) کے مطابق، پاک فوج نے فوراً ریسکیو آپریشن شروع کرتے ہوئے زخمی مسافروں کو کھائی سے نکال کر ابتدائی طبی امداد فراہم کی۔ اس کے بعد، زخمیوں کو قریبی ہسپتال منتقل کرنے کے لیے ریسکیو اداروں کی مدد بھی کی گئی۔
آئی ایس پی آر کے مطابق، حادثے کی اطلاع ملتے ہی پاک فوج کا ریسکیو اینڈ پیرامیڈیکل اسٹاف فوری طور پر جائے حادثہ پر پہنچ گیا۔ فوجی پیرامیڈیکل اسٹاف نے زخمیوں کو ابتدائی طبی امداد دی اور انہیں فوری طور پر ڈی ایچ کیو ہسپتال بنوں منتقل کیا۔
اس امدادی کارروائی میں ریسکیو 1122 کی ٹیم بھی شامل تھی، جو پاک فوج کے ساتھ مل کر امداد فراہم کر رہی تھی۔
علاقے کے مقامی لوگوں نے پاک فوج کے بروقت ریسکیو آپریشن اور امدادی خدمات پر شکریہ ادا کیا اور کہا کہ فوج نے بروقت پہنچ کر قیمتی جانوں کو بچا لیا، جس پر وہ بہت خوش ہیں۔
