واٹر کارپوریشن کے اینٹی تھیفٹ سیل نے پاکستان رینجرز کے تعاون سے پانی چوری کی روک تھام کے لیے خیرآباد منگھو پیر میں بھرپور آپریشن شروع کر
دیا ہے۔
کراچی میں کھانے پینے کی اشیا کی سرکاری قیمتوں کے نفاذ کے لیے سخت اقدامات
آپریشن کے دوران غیر قانونی کنکشنز ختم کیے جا رہے ہیں، جن کے ذریعے پانی کی چوری کی جا رہی تھی۔ پانی چوروں کے خلاف سخت کارروائی کرتے ہوئے متعدد غیر قانونی ہائیڈرنٹس اور پائپ لائنز بھی ختم کی جا رہی ہیں۔
حکام کے مطابق اس آپریشن کا مقصد شہر میں پانی کی منصفانہ تقسیم کو یقینی بنانا اور پانی چوروں کے نیٹ ورک کو ختم کرنا ہے۔ رینجرز کی معاونت سے اس کارروائی کو مؤثر بنانے کے لیے علاقے کی نگرانی سخت کر دی گئی ہے۔
واٹر کارپوریشن کے ترجمان کا کہنا ہے کہ پانی چوری ایک سنگین جرم ہے جس سے عوام کو شدید مشکلات کا سامنا کرنا پڑتا ہے۔ انہوں نے عوام سے اپیل کی ہے کہ پانی چوری کے خلاف مہم میں تعاون کریں اور کسی بھی غیر قانونی سرگرمی کی اطلاع فوری طور پر متعلقہ حکام کو دیں۔
یہ آپریشن واٹر کارپوریشن کی پانی کی فراہمی اور ضائع ہونے والے وسائل کو محفوظ بنانے کے عزم کی عکاسی کرتا ہے۔ حکام نے خبردار کیا ہے کہ پانی چوروں کے خلاف کارروائیوں کا سلسلہ جاری رہے گا، اور کسی کو بھی قانون کی خلاف ورزی کی اجازت نہیں دی جائے گی۔