کیماڑی: اینٹی اسٹریٹ کرائم سیل کی کارروائی، مطلوب ملزم زخمی حالت میں گرفتار

ضلع کیماڑی میں اینٹی اسٹریٹ کرائم سیل نے گلشن سکندرآباد کے علاقے میں مطلوب ملزم کی گرفتاری کے لیے چھاپہ مارا۔ ایس ایس پی کیماڑی کے مطابق، کارروائی کے دوران ملزم نے پولیس پارٹی پر فائرنگ کر دی، تاہم جوابی کارروائی میں ملزم کو زخمی حالت میں گرفتار کر لیا گیا۔

گڑھی تیغو کچہ: ڈاکوؤں کے خلاف رینجرز اور پولیس آپریشن میں بڑی کامیابی

کیپٹن (ر) فیضان علی نے بتایا کہ گرفتار زخمی ملزم، ہدایت اللہ، کے قبضے سے بلا لائسنس پستول اور 4 کلو چرس برآمد ہوئی۔ یہ کارروائی انچارج اینٹی اسٹریٹ کرائم سیل سب انسپکٹر راجہ خالد نے ایس ایچ او جیکسن اور عملے کے ہمراہ کی۔

ملزم ہدایت اللہ اسٹریٹ کرائم اور منشیات فروشی کی وارداتوں میں ملوث ہے اور اس سے پہلے بھی جیکسن تھانے کی پولیس کے ساتھ مقابلے میں زخمی ہو کر جیل جا چکا ہے۔ اس کے خلاف مختلف سنگین مقدمات درج ہیں، جن میں دفعہ 392، 394، 397، 382، 381/A، 353، 186، 324، اور 23(1)/A کے تحت کیسز شامل ہیں۔