کراچی، 4 نومبر 2024 (تَشَکُّر نیوز): ایڈیشنل آئی جی کراچی جاوید عالم اوڈھو نے آج ڈی آئی جی ایسٹ اظفر میہسر کے ہمراہ ایسٹ زون کے مختلف اضلاع میں زیر تعمیر ماڈل تھانوں کا دورہ کیا۔ اس موقع پر تینوں اضلاع کے ایس ایس پیز اور دیگر اعلیٰ افسران بھی موجود تھے۔
کیماڑی: ہسپتالوں سے نومولود بچوں کو اغوا کرنے والے گروہ کی گرفتاری
پولیس چیف نے ماڈل پولیس اسٹیشنز واقع شاہراہ فیصل، عوامی کالونی اور گڈاپ سٹی کا معائنہ کیا۔ انہوں نے تعمیراتی کام کی پیشرفت کا جائزہ لیتے ہوئے رپورٹنگ روم، لاک اپ اور دیگر ضروری کمرے بھی دیکھے اور متعلقہ افسران کو مناسب ہدایات جاری کیں۔
ماڈل پولیس اسٹیشنز کا قیام عوام کے لیے جدید سہولیات سے آراستہ تھانوں کی فراہمی، پیشہ ورانہ پولیس افسران کی تعیناتی، اور پولیس اور عوام کے درمیان دوستانہ ماحول اور باہمی تعاون کو فروغ دینے کے مقصد سے کیا جا رہا ہے۔
