تشکر نیوز: اسپیشل چلڈرن کیئر ویلفیئر سوسائٹی کی ماہانہ تقریب کا انعقاد کیا گیا جس میں ادارے کے عہدیداران، نائب صدر نعیم ایم این اے، سماجی شخصیات، تاجر برادری، مختلف این جی اوز کے نمائندگان، اور شوبز سے تعلق رکھنے والے افراد نے بھرپور شرکت کی۔ تقریب کے دوران ادارے کے صدر امتیاز علی عباسی نے سوسائٹی کے مقاصد اور اغراض و مقاصد پر روشنی ڈالی اور ادارے کی مختلف فلاحی سرگرمیوں کے حوالے سے حاضرین کو آگاہ کیا۔
پاکستان کی جیلوں میں بے گناہ قیدیوں کی رہائی کے لیے اقوام متحدہ کے زیر اہتمام اقدامات
تقریب کے دوران معذور افراد میں ویل چیئرز تقسیم کی گئیں، جبکہ بیواؤں اور ضرورت مند خواتین کو معاشی خودکفالت کے لیے سلائی مشینیں فراہم کی گئیں۔ اس موقع پر نادوز بیوٹی سیلون کی سربراہ نادیہ بلوچ، سندھ اسمبلی کے ممبر شارق جمال، اور سوئی سدرن گیس کے ترجمان سلمان صدیقی سمیت دیگر معزز شخصیات نے شرکت کی اور ادارے کی خدمات کو سراہا۔
