تشکر نیوز: سی ای او واٹر کارپوریشن انجینئر سید صلاح الدین احمد نے برطانوی ڈپٹی ہائی کمشنر سارہ مونی کے ساتھ زیرو پوائنٹ حب کینال اور حب پمپنگ اسٹیشن کا دورہ کیا اور وہاں کی صورتحال کا معائنہ کیا۔ دورے کے دوران چیف انجینئر بلک سکندر زرداری، چیف انجینئر ای اینڈ ایم انتخاب راجپوت، مصطفیٰ مگھن اور قربان مگسی سمیت دیگر اعلیٰ حکام بھی موجود تھے۔
لاہور میں سی ٹی ڈی پنجاب کی بڑی کارروائی: اسامہ بن لادن کا قریبی ساتھی گرفتار
ترجمان واٹر کارپوریشن کے مطابق سی ای او نے برطانوی ڈپٹی ہائی کمشنر کو حب کینال اور حب پمپنگ اسٹیشن کے متعلق بریفنگ دیتے ہوئے کہا کہ کراچی میں اضافی پانی کی فراہمی کے لیے سندھ حکومت کے تعاون سے نئے حب کینال کی تعمیر اور پرانے حب کینال کی بحالی کا منصوبہ شروع کیا جا رہا ہے۔
دونوں فریقین نے ملاقات میں دو طرفہ تعلقات اور فراہمی و نکاسی آب کی بہتری کے حوالے سے اقدامات پر تفصیلی تبادلہ خیال کیا۔ ملاقات کا مقصد باہمی دلچسپی کے مواقع تلاش کرنا تھا۔ ملاقات میں کراچی کے مختلف علاقوں میں پانی کی دستیابی اور سیکیورٹی کے حالیہ اقدامات پر تبادلہ خیال کیا گیا اور باہمی دلچسپی کے شعبوں، بشمول تجربات کے تبادلے، سرسبز ماحول کے اقدامات، تکنیکی صلاحیت میں اضافہ اور پانی کے شعبے میں بین الاقوامی کمپنیوں کی شمولیت پر بات چیت کی گئی۔
سی ای او واٹر کارپوریشن نے برطانوی ڈپٹی ہائی کمشنر کو کارپوریشن کی حالیہ اصلاحات، بحالی اور وژن کے بارے میں بھی آگاہ کیا۔ برطانوی ڈپٹی ہائی کمشنر نے واٹر کارپوریشن کی کاوشوں کو سراہتے ہوئے ویسٹ واٹر ٹریٹمنٹ اور ری سائیکلنگ کے منصوبوں میں دلچسپی کا اظہار کیا اور ڈملوٹی سمیت دیگر تنصیبات کا دورہ کرنے کی خواہش ظاہر کی