تشکر نیوز: میئر کراچی بیرسٹر مرتضیٰ وہاب نے پاکستان پیپلز پارٹی ویمن ونگ کی صدر اور ممبر صوبائی اسمبلی فریال تالپور سے ایک ملاقات کی۔ اس موقع پر، بیرسٹر مرتضیٰ وہاب نے فریال تالپور کو عمرے کی ادائیگی پر مبارکباد دی اور پھول پیش کیے۔
کمشنر کراچی کی زیر صدارت اجلاس؛ گراں فروشی، ملاوٹ شدہ اشیاء اور شہری مسائل پر جائزہ
ملاقات کے دوران، میئر کراچی نے کراچی میں جاری ترقیاتی منصوبوں کے بارے میں فریال تالپور کو آگاہ کیا اور بارشوں کے دوران بلدیاتی اداروں کی کارکردگی پر بھی تفصیلی بریفنگ دی۔
میئر کراچی نے کہا، "پیپلز پارٹی کراچی کی تعمیر و ترقی پر یقین رکھتی ہے۔ ہم کراچی کی عوام کی امیدوں پر پورا اتریں گے اور شہریوں کو عملی کام ہوتا ہوا نظر آئے گا۔”
فریال تالپور سے ملاقات میں کراچی کے مختلف مسائل پر بھی تبادلہ خیال کیا گیا، جس میں شہر کے بنیادی ڈھانچے اور عوامی خدمات کی بہتری کے لیے اٹھائے جانے والے اقدامات پر گفتگو شامل تھی۔