تشکر نیوز: ایس ایس پی کورنگی توحید رحمان میمن کا زخمی پولیس اہلکار کی عیادت کے لئے اسپتال دورہ
گزشتہ رات بہادری سے ڈکیتوں کا مقابلہ کرنے کے دوران زخمی ہونے والے پولیس اہلکار اکرام کی عیادت کے لئے ایس ایس پی کورنگی توحید رحمان میمن اسپتال پہنچے۔ کورنگی پولیس کے مطابق عوامی کالونی کے جوانوں نے مقابلے میں ایک ڈکیت کو ہلاک کر دیا تھا۔
ایس ایس پی کورنگی نے بہادر پولیس اہلکار اکرام کی حوصلہ افزائی کرتے ہوئے انہیں پھولوں کا گلدستہ پیش کیا اور ان کی جلد صحتیابی کے لئے خصوصی دعا بھی کی۔ انہوں نے اسٹریٹ کرائم کے خاتمے کو اولین ترجیح قرار دیتے ہوئے کہا کہ ہم ہر وقت اس مقصد کے لئے تیار ہیں۔