تشکر نیوز: شہر قائد کے مختلف علاقوں میں پیر کے روز 3.2 شدت کے زلزلے کے جھٹکے محسوس کیے گئے۔
تفصیلات کے مطابق، پیر کی شام 6 بج کر 36 منٹ پر کراچی کے مختلف علاقوں، جیسے کلفٹن بلاک 2، لیاری، صدر، آئی آئی چندریگر روڈ سمیت دیگر مقامات پر زلزلے کے جھٹکے محسوس کیے گئے۔ زلزلے کے باعث شہری خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔
مزار قائد کی سیکیورٹی بہتر بنانے کیلیے جدید کیمروں کی تنصیب
زلزلہ پیما مرکز کے مطابق، ریکٹر اسکیل پر زلزلے کی شدت 3.2 ریکارڈ کی گئی، جبکہ اس کی گہرائی 22 کلومیٹر تھی اور مرکز کراچی کے شمال مشرق میں 15 کلومیٹر دور واقع تھا۔
یاد رہے کہ اس سے قبل بھی رواں سال کے دوران کراچی میں دو کم شدت کے زلزلے ریکارڈ ہو چکے ہیں۔
