...

امریکا کی طرح پاکستانی یونیورسٹیز میں بھی غزہ مہم کا اعلان

تشکر نیوز: اسلامی جمعیت طلبہ پاکستان نے تعلیمی اداروں میں غزہ مہم شروع کرنے کا اعلان کردیا۔ ناظم اعلی اسلامی جمعیت طلبہ پاکستان حسن بلال ہاشمی نے پشاور پریس کلب میں پریس کانفرنس کرتے ہوئے بتایا کہ اسلامی جمعیت طلبہ پاکستان نے “وی آر ون سلوگن کے تحت “جسٹس فار غزہ مہم شروع کررہے ہیں، جس کے ذریعے پاکستان کی سول سوسائٹی کو فلسطین کاز کے لیے متحرک کردیاجائے گا۔

حسن بلال ہاشمی نے کہا کہ اس کمپین کے تحت فلسطین کاز اور غزہ کی موجودہ صورتحال سے متعلق تعلیمی اداروں میں آگاہی مہم چلائے جائے گی، سیمینارز اور کانفرنسز کا انعقاد کیاجائے گا، بڑے پیمانے پر احتجاجی مظاہرے کیے جائیں گے۔

امریکا کی طرح پاکستانی یونیورسٹیز میں بھی غزہ مہم کا اعلان

ان کا کہنا تھا کہ غزہ میں فوری جنگ بندی اور امدادی سامان کی ترسیل کے لیے حکومت کے سامنے مطالبات رکھے جائیں گے، کمپین کے اختتام پر تعلیمی اداروں میں علامتی بستیاں بھی سجائی جائیں گی، اسلامی جمعیت طلبہ امریکی جامعات میں ہونے والے احتجاجی مظاہروں کی بھر پور حمایت کا اعلان کرتی ہے۔

حسن بلال ہاشمی نے مزید کہا کہ امریکی طلبہ نے مزاحمت کے نئی تاریخ رقم کردی ہے، اہلیان غزہ کی خاطر کراچی سے لیکر نیو یارک تک تمام طلبہ اس تحریک کا حصہ ہے، “وی آر ون”سلوگن کے ذریعے اسلامی جمعیت طلبہ تمام طلبہ اس کمپین کا حصہ بننے کی دعوت دیتی ہے۔

53 / 100

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!
Seraphinite AcceleratorOptimized by Seraphinite Accelerator
Turns on site high speed to be attractive for people and search engines.