تشکُّر نیوز رپورٹنگ،
اسلام آباد: پاک فوج نے لائن آف کنٹرول (ایل او سی) پر بھارتی فوج کا کوآڈ کاپٹر مار گرایا۔
پاک فوج نے 25 فروری کو دن 12 بج کر 55 منٹ پر لائن آف کنٹرول پر پاکستانی علاقے کی جاسوسی کرنے والے بھارتی کوآڈ کاپٹر کو مار گرایا۔
بھارتی کوآڈ کاپٹر کو گرانے کے بعد پاک فوج نے اس کی باقیات کی تلاش کا کام شروع کیا۔
26 فروری کو ایل او اسی میں پاکستانی علاقے میں کوآڈ کاپٹر کی باقیات مل گئیں، کوآڈ کاپٹر پر بھارتی فوج کی ایک یونٹ کا نشان بھی موجود ہے جو اس بات کی تصدیق کرتا ہے کہ یہ کوآڈ کاپٹر بھارتی فوج کا ہے۔
یاد رہے کہ 27 فروری 2019 ء کو پاک فضائیہ نے پاکستانی فضائی حدود کیخلاف ورزی کرنے والے بھارتی جنگی طیاروں کو بھی آپریشن سوئفٹ ریٹارٹ میں مار گرایا تھا۔