گلشن اقبال پولیس نے خفیہ اطلاع پر کارروائی کرتے ہوئے دو انتہائی مطلوب گٹکا ماوا فروشوں کو گرفتار کرلیا۔
ایسٹ پولیس کے ترجمان کے مطابق گرفتار ملزمان کی شناخت علی عرف دانش ولد بوٹا اور فیصل ولد یاسین کے نام سے ہوئی ہے۔
پولیس کے مطابق دونوں ملزمان کے نام انتہائی مطلوب ملزمان کی فہرست اور آئی آر لسٹ میں شامل تھے۔
گٹکا ماوا اور فروخت کی رقم برآمد
پولیس نے گرفتار ملزمان کے قبضے سے تیار مضر صحت گٹکا ماوا اور فروخت کی رقم برآمد کرلی۔
پولیس نے ملزمان کے خلاف سندھ گٹکا ماوا ایکٹ کے تحت مقدمہ درج کرلیا ہے۔ واقعے کی مزید تفتیش جاری ہے۔
