پیٹرول مہنگا: گورنر سندھ نہال ہاشمی نے ٹرین سے سفر کا ذکر کردیا

گورنر سندھ محمد نہال ہاشمی نے پیٹرول کی بڑھتی قیمتوں کا ذکر کرتے ہوئے کہا کہ اس صورتحال سے صرف عوام ہی مشکلات کا سامنا نہیں کر رہے۔

ایک تقریب سے خطاب میں انہوں نے کہا کہ انہوں نے بھی اب ٹرین سے سفر شروع کردیا ہے۔ ان کے بقول گورنر ہاؤس سے گاڑی نکلتی ہے تو وہ پانی کے بجائے پیٹرول سے چلتی ہے۔

نہال ہاشمی نے کہا کہ کفایت شعاری مہم کے تحت بجٹ میں بھی کمی کی گئی ہے۔ ان کے مطابق اسی پالیسی کے باعث کئی سرگرمیاں محدود کردی گئی ہیں۔

طویل مدتی منصوبہ بندی پر زور

گورنر سندھ نے کہا کہ جن قوموں نے ترقی کی، انہوں نے 40 سے 50 سال کی منصوبہ بندی کی۔

انہوں نے چین کی مثال دیتے ہوئے کہا کہ وہاں بھی ترقی کے لیے طویل مدتی منصوبہ بندی کی جاتی ہے۔

سونے کی قیمت میں 800 روپے کمی، چاندی بھی سستی ہوگئی

بلوچستان کے زیر تربیت پولیس افسران سے ملاقات

دریں اثنا بلوچستان پولیس کے زیر تربیت ڈی ایس پیز نے گورنر ہاؤس میں نہال ہاشمی سے مکالماتی نشست کی۔

نشست سے خطاب کرتے ہوئے گورنر سندھ نے کہا کہ زیر تربیت پولیس افسران ملک کا مستقبل ہیں۔

انہوں نے کہا کہ پولیس افسران صرف قانون نافذ کرنے والے اہلکار نہیں بلکہ معاشرے میں مسائل کے حل میں بھی کردار ادا کرتے ہیں۔

نہال ہاشمی کے مطابق پولیسنگ کا بنیادی مقصد قانون کے دائرے میں رہتے ہوئے امن و امان قائم کرنا ہے۔

انہوں نے کہا کہ پولیس اور عوام کے درمیان مضبوط اعتماد دیرپا امن کی بنیاد ہے۔

گورنر سندھ نے نوجوان افسران پر زور دیا کہ وہ عوام سے رابطہ اور تعاون بڑھائیں۔ ان کے مطابق بلوچستان میں امن و استحکام کے لیے حفاظتی اقدامات کے ساتھ ترقی، عوامی شمولیت اور معاشی مواقع بھی ضروری ہیں۔

انہوں نے زیر تربیت افسران کو اپنی تعلیم، تربیت اور پیشہ ورانہ صلاحیتیں ملک و قوم کی خدمت کے لیے استعمال کرنے کی ہدایت بھی کی۔