لاہور میں پاکستان کرکٹ بورڈ نے قومی کرکٹرز کو بیرونِ ملک لیگز کھیلنے کی اجازت دے دی۔ پی سی بی این او سی کے تحت متعدد کھلاڑی سی پی ایل میں شرکت کریں گے۔
پی سی بی نے حسن نواز، حنین شاہ، نسیم شاہ اور عثمان خان کو سی پی ایل کے لیے این او سی جاری کیے ہیں۔
معاذ صداقت، صاحبزادہ فرحان، سفیان مقیم اور شاداب خان کو بھی سی پی ایل کھیلنے کی اجازت مل گئی ہے۔ ان کھلاڑیوں کے این او سی 19 اگست سے 21 ستمبر تک مؤثر رہیں گے۔
اسپنر نعمان علی کو لنکا شائر کاؤنٹی کے لیے 27 ستمبر تک این او سی دیا گیا ہے۔
وکٹ کیپر بیٹر محمد حارث کو 7 اگست سے 20 ستمبر تک سی پی ایل کھیلنے کی اجازت ملی ہے۔
مسٹری اسپنر عثمان طارق 8 اگست سے 18 ستمبر تک سی پی ایل میں شرکت کرسکیں گے۔ اسامہ میر کو بھی 7 اگست سے 21 ستمبر تک سی پی ایل کے لیے این او سی جاری کیا گیا ہے۔
