آئس اسمگلنگ کے خلاف کارروائی کرتے ہوئے ضلع کیماڑی کی موچکو چیک پوسٹ پولیس نے خفیہ اطلاع پر ایک خاتون کو گرفتار کر لیا۔ پولیس نے ملزمہ کے قبضے سے دو کلوگرام آئس برآمد کر لی۔
پولیس کے مطابق گرفتار خاتون کی شناخت مریم دختر محمد شریف کے نام سے ہوئی۔ پولیس نے اسے حب ریور روڈ کے علاقے سے گرفتار کیا۔
ابتدائی تفتیش کے مطابق ملزمہ برآمد ہونے والی آئس بلوچستان کے علاقے حب سے کراچی لا رہی تھی۔ پولیس نے منشیات بھی قبضے میں لے لی، جبکہ اسمگلنگ میں ملوث نیٹ ورک سے متعلق مزید تحقیقات جاری ہیں۔
پولیس نے ملزمہ کے خلاف اینٹی نارکوٹکس ایکٹ کے تحت مقدمہ نمبر 494/26 درج کر لیا ہے۔ حکام کا کہنا ہے کہ تفتیش کے دوران مزید انکشافات متوقع ہیں۔
