برطانوی میڈیا کی ایک رپورٹ میں انکشاف کیا گیا ہے کہ بعض بھارتی شہری مبینہ طور پر اپنی کمیونٹی کے افراد کو نوکریاں دلوانے کے لیے غیر شفاف طریقے اور جعلسازی کا سہارا لیتے ہیں۔
ایران جنگ کے دوران اسرائیل نے یو اے ای کو آئرن ڈوم دفاعی نظام فراہم کیا: امریکی سفیر
رپورٹ کے مطابق ایسے نیٹ ورکس میں خفیہ انٹرویو سوالات اور بھرتی کے عمل سے متعلق معلومات ایک دوسرے کے ساتھ شیئر کی جاتی ہیں، جس سے میرٹ پر اثر پڑنے کا خدشہ ظاہر کیا گیا ہے۔
مزید کہا گیا ہے کہ گوگل کے ایک سابق کنٹریکٹر کی رپورٹ میں یہ دعویٰ بھی سامنے آیا ہے کہ امریکی ٹیک کمپنیوں میں بعض ملازمتیں بیرونِ ملک منتقل ہونے کے رجحان میں اضافہ دیکھا جا رہا ہے۔
رپورٹ کے مطابق اس صورتحال کے باعث ایچ-1 بی ویزا اور امیگریشن پالیسیوں پر نئی بحث شروع ہو گئی ہے، جبکہ امریکی ٹیک سیکٹر میں غیر ملکی بالخصوص بھارتی ورکرز کی بڑھتی ہوئی تعداد پر تشویش کا اظہار کیا جا رہا ہے۔
گوگل کے سابق کنٹریکٹر اسٹیون ایجنگٹن کے حوالے سے رپورٹ میں کہا گیا ہے کہ بعض مواقع پر نئے آنے والے ملازمین کو خود تربیت دینے پر مجبور کیا گیا، جبکہ انٹرویو سے متعلق معلومات مبینہ طور پر نیٹ ورکس کے اندر شیئر کی جاتی رہی ہیں۔