بین الاقوامی فٹبال ورلڈ کپ کے نئے آفیشل گیت کے ٹیزر نے ریلیز ہوتے ہی دنیا بھر میں تہلکہ مچا دیا ہے، جس میں لاطینی موسیقی کی عالمی شہرت یافتہ گلوکارہ Shakira ایک بار پھر مرکزی کردار میں نظر آ رہی ہیں۔
ٹرمپ کا ایران پالیسی پر اوباما اور بائیڈن دور سے موازنہ، مصنوعی ذہانت سے بنائی گئی تصاویر جاری
تفصیلات کے مطابق شکیرا نے اپنے نئے گانے کی جھلکیاں جاری کی ہیں، جس میں اس بار ان کے ساتھ نائیجیریا کے معروف گلوکار Burna Boy نے بھی پرفارم کیا ہے۔ دونوں فنکاروں کی مشترکہ پرفارمنس نے شائقین کو بے حد متاثر کیا ہے اور سوشل میڈیا پر ٹیزر تیزی سے وائرل ہو رہا ہے۔
یاد رہے کہ شکیرا اس سے قبل 2010 کے فٹبال ورلڈ کپ میں اپنا مشہور گیت “Waka Waka” پیش کر چکی ہیں، جس نے کھیلوں کے مداحوں کو دنیا بھر میں دیوانہ بنا دیا تھا اور آج بھی یہ گانا ورلڈ کپ کی تاریخ کے مقبول ترین اینتھمز میں شمار ہوتا ہے۔
مزید یہ کہ حال ہی میں ریو ڈی جنیرو میں ہونے والے شکیرا کے کنسرٹ میں تقریباً 20 لاکھ افراد نے شرکت کی، جو ان کی عالمی مقبولیت اور اسٹیج پرفارمنس کی طاقت کو ظاہر کرتا ہے۔
نئے ورلڈ کپ اینتھم کے ٹیزر نے ایک بار پھر موسیقی اور کھیلوں کے شائقین کی توجہ اپنی جانب مبذول کر لی ہے، اور مکمل گانے کے ریلیز کا شدت سے انتظار کیا جا رہا ہے۔