نیویارک کے میئر Zahran Mamdani نے کہا ہے کہ اگر انہیں موقع ملا تو وہ برطانیہ کے بادشاہ King Charles III سے کوہ نور ہیرے کی واپسی کے معاملے پر ضرور بات کریں گے۔
سندھ حکومت نے آبی اصلاحات اور آبپاشی نظام کی جدیدکاری کے اقدامات تیز کر دیے
یہ بات انہوں نے برطانوی بادشاہ کے امریکی دورے کے دوران ایک پریس کانفرنس میں صحافی کے سوال کے جواب میں کہی۔ 11 ستمبر 2001 کے حملوں کی یاد میں منعقدہ تقریب سے قبل میڈیا سے گفتگو کرتے ہوئے ایک صحافی نے ان سے بادشاہ سے ملاقات اور ممکنہ بات چیت کے حوالے سے سوال کیا۔
بھارتی نژاد میئر نیویارک نے جواب دیتے ہوئے کہا کہ اگر موقع ملا تو وہ کوہ نور ہیرے کی واپسی کا معاملہ ضرور اٹھائیں گے۔ ان کے اس بیان نے میڈیا اور سیاسی حلقوں میں توجہ حاصل کر لی۔
بعد ازاں میئر نے تقریب میں بادشاہ چارلس سے ملاقات بھی کی، تاہم بکنگھم پیلس نے اس معاملے پر کوئی تبصرہ نہیں کیا۔ دوسری جانب میئر کے دفتر نے بھی اس بات کی وضاحت نہیں کی کہ آیا یہ معاملہ ملاقات کے دوران باضابطہ طور پر اٹھایا گیا یا نہیں۔
واضح رہے کہ کوہ نور ہیرے کی واپسی کا مطالبہ بھارت کی جانب سے کئی بار برطانیہ سے کیا جا چکا ہے، تاہم یہ معاملہ آج بھی تاریخی اور سفارتی سطح پر متنازع حیثیت رکھتا ہے۔