کراچی (اسٹاف رپورٹر) — ڈی ایچ اے کراچی میں ایک نوجوان کی جانب سے مبینہ طور پر نشے کی حالت میں گاڑی چلانے اور حادثے کے بعد کی صورتحال کی ویڈیو سوشل میڈیا پر وائرل ہو گئی ہے۔
ویڈیو میں دعویٰ کیا جا رہا ہے کہ نوجوان حادثے کے بعد غیر معمولی حالت میں پایا گیا، جبکہ بعد ازاں اس کے والد موقع پر پہنچ کر اسے ریسکیو کر کے ساتھ لے گئے۔
سوشل میڈیا صارفین کی جانب سے اس واقعے پر مختلف آراء کا اظہار کیا جا رہا ہے اور نوجوانوں میں منشیات خصوصاً آئس کے بڑھتے استعمال پر تشویش بھی سامنے آ رہی ہے۔
حکام کی جانب سے اس واقعے کی سرکاری طور پر مزید تفصیلات یا تصدیق سامنے نہیں آ سکی۔