کراچی ٹریفک پولیس کے افسران کی پیشہ ورانہ صلاحیتوں میں اضافے کے لیے فائر سیفٹی اور فرسٹ ایڈ سے متعلق دوسرا تربیتی سیشن کامیابی کے ساتھ منعقد کیا گیا۔
سندھ پولیس اور OMI ہسپتال کے درمیان معاہدہ، اہلکاروں کو طبی سہولیات پر رعایت
یہ تربیتی سیشن AARON INC. HR اور Finemark کے اشتراک سے منعقد کیا گیا، جس میں ماہر ٹرینر روبن پیٹرس نے افسران کو عملی بنیادوں پر تفصیلی تربیت فراہم کی۔
سیشن کا بنیادی مقصد ٹریفک افسران کو روڈ ٹریفک حادثات، گاڑیوں میں آگ لگنے اور دیگر ہنگامی صورتحال میں فوری اور مؤثر ردِعمل دینے کے قابل بنانا تھا۔ چونکہ ٹریفک پولیس اہلکار اکثر پہلی امدادی ٹیم سے قبل جائے وقوعہ پر موجود ہوتے ہیں، اس لیے انہیں ابتدائی طبی امداد، آگ پر قابو پانے اور زخمیوں کو محفوظ مقام پر منتقل کرنے کی عملی تربیت دی گئی۔
تربیت میں جلنے کے زخموں کی ابتدائی دیکھ بھال اور متاثرہ افراد کو مستحکم کرنے جیسے اہم اقدامات بھی شامل تھے۔
حکام کے مطابق یہ تربیت افسران کو “گولڈن آور” کے دوران بروقت کارروائی کے قابل بناتی ہے، جس سے حادثات میں انسانی جانوں کے تحفظ اور امدادی کارروائیوں کی مؤثر انجام دہی ممکن ہوتی ہے۔