کراچی میں Arts Council of Pakistan Karachi کے زیرِاہتمام نوجوان مصنف Ali Haider کے ایوارڈ یافتہ سفرنامے ’’کچورا اور وادیٔ سوق کی داستان‘‘ کی تقریبِ رونمائی جوش ملیح آبادی لائبریری میں منعقد ہوئی، جس میں ادبی و سماجی شخصیات کی بڑی تعداد نے شرکت کی۔
ڈی آئی جی ایسٹ کا کرائم میٹنگ میں جرائم کے خاتمے پر زور
تقریب میں معروف ادیب Ibn e Aas، فیض الدین احمد، طاہرہ ناصر اور مصنف علی حیدر نے اظہار خیال کیا۔ مقررین نے نوجوان مصنف کی تخلیقی صلاحیتوں کو سراہتے ہوئے ان کے روشن ادبی مستقبل کی پیشگوئی کی۔
ابنِ آس نے اپنے خطاب میں کہا کہ یہ علی حیدر کا پہلا سفرنامہ ہونے کے باوجود انتہائی پختہ اور متاثر کن ہے۔ ان کے مطابق کم عمری میں اس معیار کی تحریر اس بات کا ثبوت ہے کہ مصنف میں ایک اچھے قلم کار کی جھلک نمایاں ہے۔ انہوں نے کہا کہ علی حیدر نہ صرف اپنے سفر کی روداد بیان کرتے ہیں بلکہ مختلف علاقوں کے بارے میں معلومات بھی فراہم کرتے ہیں، جو قاری کے لیے اسے مزید دلچسپ بنا دیتا ہے۔
تقریب کے دوران ابنِ آس نے سفرنامے سے ایک اقتباس بھی پڑھ کر سنایا، جسے حاضرین نے بے حد سراہا۔ طاہرہ ناصر نے کہا کہ اردو زبان کو صرف کتابوں تک محدود نہیں رکھنا چاہیے بلکہ اسے عملی زندگی میں بھی اپنانا ضروری ہے۔ انہوں نے علی حیدر کی منظر نگاری اور الفاظ کے چناؤ کو سراہتے ہوئے کہا کہ سفرنامہ لکھنا ایک مشکل فن ہے، لیکن نوجوان مصنف نے اسے خوبصورتی سے نبھایا ہے۔
فیض الدین احمد نے کہا کہ انہیں فخر ہے کہ علی حیدر ان کے شاگرد ہیں۔ ان کے مطابق علی حیدر میں مشاہدے کی گہرائی اور کہانی بیان کرنے کی صلاحیت نمایاں ہے، جو انہیں مستقبل میں ایک کامیاب ادیب بنا سکتی ہے۔
تقریب سے خطاب کرتے ہوئے مصنف علی حیدر نے کہا کہ انہیں ادب اور شاعری کا شوق اپنی والدہ سے ملا، جو Mirza Ghalib کی شاعری پڑھتی ہیں۔ انہوں نے بتایا کہ ابتدائی طور پر انہوں نے تحریر انگریزی میں لکھی، جسے بعد میں اردو میں ڈھالا۔ انہوں نے کہا کہ قدرت کے حسین مناظر کو مکمل طور پر الفاظ میں بیان کرنا ممکن نہیں، تاہم وہ اپنی تحریروں کے ذریعے قارئین کو ان مناظر کے قریب لانے کی کوشش کرتے ہیں۔
انہوں نے اپنے اساتذہ اور اہل خانہ کا شکریہ ادا کرتے ہوئے کہا کہ وہ آئندہ بھی ادب کے میدان میں اپنا کردار ادا کرتے رہیں گے۔
