کراچی: ضلع کیماڑی پولیس، ساؤتھ زون کی جانب سے جاری آپریشن کے دوران جواء سٹہ کے کاروبار میں ملوث سات ملزمان کو گرفتار کرلیا گیا ہے۔ یہ کارروائی کیماڑی ڈاکس کے علاقے میں سرچ آپریشن کے دوران عمل میں آئی، جس میں پولیس نے ملزمان سے سٹے کی پرچیاں اور دو ہزار روپے نقد رقم برآمد کرلی۔
کراچی: پانی کے چینل میں گرنے والے باپ اور بیٹے میں سے بچہ بچا لیا گیا
گرفتار شدگان کی شناخت امیر حمزہ، عبدالرحیم، خورشید، فاروق، جاوید، اعجاز اور نور بشیر کے طور پر ہوئی ہے۔ ترجمان کیماڑی پولیس نے بتایا کہ ملزمان کے سابقہ مجرمانہ ریکارڈ کی جانچ کی جا رہی ہے تاکہ غیر قانونی سرگرمیوں میں ان کے ملوث ہونے کی مکمل تصدیق کی جا سکے۔
پولیس نے گرفتار شدگان کے خلاف مقدمہ درج کر کے تحقیقات شروع کر دی ہیں۔ ترجمان کا کہنا تھا کہ کیماڑی پولیس عوام کے جان و مال کے تحفظ کے لیے غیر قانونی سرگرمیوں کی روک تھام کے لیے مسلسل آپریشنز جاری رکھے گی۔ اس سلسلے میں سرچ آپریشنز، نگرانی اور متعلقہ علاقے میں چیکنگ کا عمل تیز کر دیا گیا ہے تاکہ قانون کے شکنجے میں رہنے والے جرائم پیشہ عناصر کے خلاف موثر کارروائی ممکن ہو سکے۔
پولیس کی جانب سے کہا گیا کہ عوامی تحفظ کو یقینی بنانے اور جرائم کی روک تھام کے لیے ادارہ جاتی کارکردگی میں اضافہ کیا جا رہا ہے اور شہریوں کے لیے محفوظ ماحول فراہم کرنا اولین ترجیح ہے۔