کراچی: ضلع ملیر کے تھانہ شرافی گوٹھ کی پولیس نے ایک مطلوبہ منشیات فروش کو گرفتار کر کے قانون کے شکنجے میں لایا ہے۔ گرفتار ملزم اسد نیازی متعدد علاقوں میں منشیات کی فروخت میں ملوث تھا اور پولیس کی مطلوبہ منشیات فروشوں کی فہرست میں شامل تھا۔
کراچی: پولیس کی انسداد جرائم کارروائیوں میں 31 گرفتار، 2 ملزمان ہلاک
ایس ایچ او شرافی گوٹھ نے اپنی ٹیم کے ہمراہ انٹیلیجنس بیسڈ اور خفیہ اطلاعات کی بنیاد پر کارروائی کرتے ہوئے ملزم کو گرفتار کیا۔ اس کارروائی کے دوران ملزم سے اعلیٰ معیار کی چرس اور فروختگی کی رقم بھی برآمد ہوئی۔
ملزم کے خلاف کنٹرول آف نارکوٹکس ایکٹ کے تحت مقدمہ درج کیا گیا ہے اور تفتیش جاری ہے۔ پولیس ترجمان نے بتایا کہ ضلع ملیر میں منشیات کے خاتمے اور امن و امان کی بحالی کے لیے یہ کارروائیاں مسلسل جاری رہیں گی۔
یہ گرفتاری مقامی پولیس کی موثر انٹیلیجنس اور عوامی تعاون کی بدولت ممکن ہوئی ہے اور اس سے ضلع میں منشیات کے خلاف جاری مہم کو مزید تقویت ملی ہے۔