کراچی (26 مارچ 2026) – وزیر داخلہ سندھ ضیاء الحسن لنجار نے ایک اسٹریٹجک پلاننگ ورکشاپ سے خطاب کرتے ہوئے کہا کہ ایسی ورکشاپس حکومتی افسران اور اسٹیک ہولڈرز کے لیے بہترین مواقع فراہم کرتی ہیں تاکہ صوبے اور ملک کے مسائل کا مؤثر حل نکالا جا سکے۔
وزیراعلیٰ سندھ کا عالمی یوم مرگی پر پیغام، آگاہی کی ضرورت پر زور
وزیر داخلہ نے کہا کہ پاکستان میں جاری ایکٹیویزم اور میڈیا کی سرگرمیوں پر نظر رکھتے ہوئے یہ ہماری ذمہ داری ہے کہ ہم اپنے وسائل اور کردار سے ملک و صوبے کی خدمت کریں۔ انہوں نے مثبت میڈیا کے کردار کو معاشرتی اور گورننس کے لیے نہایت ضروری قرار دیا اور کہا کہ جب میڈیا اپنا کردار بہترین طریقے سے ادا نہیں کرے گا تو معاشرے میں منفی اثرات مزید بڑھیں گے۔
وزیر داخلہ سندھ نے اس بات پر بھی زور دیا کہ میڈیا کو چاہیے کہ وہ لیڈرز اور حکومتی اقدامات کو مثبت انداز میں پیش کرے تاکہ عوام میں اعتماد اور شفافیت پیدا ہو۔ ورکشاپ کے دوران مختلف حکومتی حکمت عملیوں اور اسٹریٹجک اقدامات پر بھی تبادلہ خیال کیا گیا تاکہ بہتر گورننس کے لیے منصوبہ بندی کی جا سکے۔
ترجمان سندھ حکومت کے مطابق وزیر داخلہ نے اس موقع پر شرکاء کو حوصلہ افزائی کی کہ وہ اپنی ذمہ داریوں کو بھرپور طریقے سے ادا کریں اور معاشرتی و حکومتی بہتری کے لیے اپنا کردار ادا کریں۔