کراچی (26 مارچ 2026) – بہادرآباد تھانے کی حدود میں ایک افسوسناک اسٹریٹ کرائم پیش آیا، جہاں جناح میڈیکل اینڈ ڈینٹل کالج کی طالبات کی وین میں تین ملزمان داخل ہو کر لوٹ مار کرنے میں کامیاب ہوگئے۔
وزیر داخلہ سندھ کا اسٹریٹجک پلاننگ ورکشاپ سے خطاب، میڈیا کی اہمیت پر زور
واقعے کے مطابق، کھڑی کوسٹر وین میں داخل ہونے والے ملزمان نے طالبات سے اسلحے کے زور پر موبائل فون اور دیگر قیمتی اشیاء چھین لیں۔ ایک طالبہ نے بتایا کہ "ہاتھ بڑھا کر ہماری جیولری کھینچی اور لوٹ مار کی گئی”۔ ملزمان واردات کے بعد موقع سے فرار ہوگئے۔
ایس ایس پی اور بہادرآباد پولیس نے فوری طور پر کارروائی شروع کر دی، جبکہ آئی جی سندھ جاوید عالم اوڈھو نے واقعے کا نوٹس لیتے ہوئے متعلقہ حکام سے تفصیلات طلب کر لیں اور جلد ملزمان کی گرفتاری کی ہدایت دی۔
پولیس حکام نے عوام سے اپیل کی ہے کہ وہ اس دوران محتاط رہیں اور کسی بھی مشکوک شخص یا سرگرمی کی فوری اطلاع متعلقہ حکام کو دیں تاکہ جرائم پر قابو پایا جا سکے۔