Karachi میں M. A. Jinnah Road پر ایران پر ہونے والے مبینہ امریکی اور اسرائیلی حملوں کے خلاف احتجاجی ریلی نکالی گئی جس کے باعث علاقے میں ٹریفک کی روانی متاثر ہوگئی۔
ایران کا خیبر شکن میزائلوں سے تل ابیب پر حملے کا دعویٰ
پولیس اور ٹریفک حکام کے مطابق احتجاجی مظاہرے کے باعث Kharadar Police Station سے ٹاور کی جانب جانے والی ایم اے جناح روڈ کو ٹریفک کے لیے بند کردیا گیا ہے۔ سڑک کی بندش کے سبب گاڑیوں کو متبادل راستوں کی جانب موڑا جارہا ہے۔
ٹریفک پولیس کا کہنا ہے کہ کھارادر تھانے کی جانب سے آنے والی ٹریفک کو Yaqoobia Mosque کی سمت منتقل کیا جارہا ہے تاکہ شہریوں کو کم سے کم مشکلات کا سامنا کرنا پڑے۔
احتجاجی ریلی میں شریک مظاہرین کی بڑی تعداد Khwaja Asna Ashari Mosque سے روانہ ہوئی جو Native Jetty Bridge تک مارچ کرے گی۔ مظاہرین نے ہاتھوں میں اسرائیل مخالف نعروں پر مشتمل پلے کارڈز اور بینرز اٹھا رکھے تھے اور ریلی کے دوران اسرائیل کے خلاف شدید نعرے بازی بھی کی گئی۔
مظاہرین کا کہنا تھا کہ وہ مشرق وسطیٰ میں جاری کشیدگی اور ایران پر حملوں کے خلاف اپنا احتجاج ریکارڈ کرا رہے ہیں۔ دوسری جانب سیکیورٹی کی صورتحال کو برقرار رکھنے کے لیے پولیس کی اضافی نفری بھی تعینات کردی گئی ہے جبکہ ٹریفک پولیس شہریوں کو متبادل راستے اختیار کرنے کی ہدایت کر رہی ہے۔