ایرانی میڈیا کے مطابق سپریم لیڈر علی خامنہ ای کے بعد جانشینی کے لیے قائم کی گئی کمیٹی نے مجتبی خامنہ ای کے نام کی منظوری دے دی ہے، اور ان کی باضابطہ نامزدگی کا اعلان چند گھنٹوں یا ایک ہفتے کے دوران ممکن ہے۔ تاہم، سرکاری ذرائع کے مطابق نیا سپریم لیڈر آیت اللہ علی خامنہ ای کی تدفین کے بعد ہی باضابطہ طور پر اعلان کیا جائے گا۔
فیلڈ مارشل عاصم منیر: افغان سرزمین کا پاکستان کے خلاف استعمال ناقابلِ قبول
مجتبی خامنہ ای ایرانی سیاست دان اور عالم دین ہیں اور علی خامنہ ای کے دوسرے صاحبزادے ہیں۔ انہوں نے ایران عراق جنگ میں حصہ لیا اور 2009 کے صدارتی انتخابات کے بعد مظاہروں کو دبانے کے لیے استعمال ہونے والی فورس پر اثر و رسوخ رکھتے تھے۔ انہیں اپنے والد کے سب سے بااثر بیٹے اور ممکنہ جانشین کے طور پر دیکھا جاتا رہا ہے۔
مجتبیٰ خامنہ ای 1969 میں مشہد میں پیدا ہوئے اور بچپن کے سات سال ایران کے شمال مغربی شہروں سردشت اور مہاباد میں گزارے۔ انہوں نے 2004 میں زہرہ حداد عادل سے شادی کی۔ سیاسی طور پر وہ سابق ایرانی صدر محمود احمدی نژاد کے حامی سمجھے جاتے ہیں۔ 2019 میں ان پر امریکا کی جانب سے پابندیاں بھی عائد کی گئی تھیں۔