اسلام آباد: عالمی منڈی میں پٹرولیم مصنوعات کی قیمتوں میں مسلسل اضافے کے پیشِ نظر وزیراعظم شہباز شریف نے قیمتوں اور رسد کی مانیٹرنگ کے لیے 19 رکنی کمیٹی قائم کی ہے۔ وزیراعظم آفس کی جانب سے نوٹیفکیشن بھی جاری کر دیا گیا ہے، جس کے مطابق کمیٹی پٹرولیم مصنوعات کی قیمتوں، دستیابی اور سٹاک پوزیشن کا روزانہ کی بنیاد پر جائزہ لے گی اور اپنی رپورٹ براہِ راست وزیراعظم کو پیش کرے گی۔
ناظم آباد: زہریلی کچی شراب پینے سے 3 ہلاک، 6 زیر علاج، ملزم گرفتار
وفاقی وزیر خزانہ محمد اورنگزیب کمیٹی کے کنوینئر ہوں گے، جبکہ کمیٹی میں وفاقی وزرا برائے پٹرولیم و توانائی، وزیر مملکت، گورنر State Bank of Pakistan، چیئرمین FBR اور OGRA کے حکام شامل ہیں۔
کمیٹی میں توانائی شعبے کے اہم اداروں کے سربراہان بھی شامل کیے گئے ہیں جن میں Pakistan State Oil، PARCO، Sui Southern Gas Company اور Sui Northern Gas Pipelines Limited کے اعلیٰ حکام شامل ہیں۔ علاوہ ازیں، انٹیلی جنس اداروں IB Pakistan اور ISI Pakistan کے نمائندے بھی کمیٹی میں شامل ہیں تاکہ کسی بھی ممکنہ ذخیرہ اندوزی یا مصنوعی قلت کی بروقت نشاندہی کی جا سکے۔
نوٹیفکیشن کے مطابق کمیٹی پٹرولیم مصنوعات کی قیمتوں میں ردوبدل کے معاشی اثرات کا جائزہ لے کر قلیل اور درمیانی مدتی تجاویز پیش کرے گی۔ اگر رسد میں کسی قسم کی رکاوٹ پیدا ہوتی ہے تو اس سے نمٹنے کی حکمت عملی تیار کی جائے گی اور بحران کی صورت میں ممکنہ مالی اثرات کا تفصیلی تجزیہ بھی پیش کیا جائے گا۔ ضرورت پڑنے پر کمیٹی کے ارکان کی تعداد میں اضافہ بھی ممکن ہے، جبکہ پٹرولیم ڈویژن کو ہدایت کی گئی ہے کہ وہ اجلاسوں کے انعقاد اور ضروری معلومات کی فراہمی میں مکمل تعاون یقینی بنائے۔