دادو کے نواحی گاؤں جمع چہوان میں ایک افسوسناک واقعہ سامنے آیا جہاں پولیس نے شوہر کے قتل میں بیوی کی ملوثیت کا انکشاف کیا ہے۔ پولیس کے مطابق مقتول سردار چہوان کی تشدد زدہ لاش برآمد ہوئی تھی، جس کے بعد تفتیش شروع کی گئی۔
پاکستانی سائبر فورس نے بھارتی چینل ہیک کر دیا
ڈی ایس پی سٹی عبدالغنی رند نے پریس کانفرنس میں بتایا کہ پولیس نے مرکزی ملزمہ سمیت تین افراد کو گرفتار کر لیا ہے۔ ملزمان سے آلۂ قتل بھی برآمد کیا گیا اور ابتدائی تفتیش میں جرم کا اعتراف کیا گیا۔
پولیس کے مطابق مقتول کی بیوی زھران نے ناجائز تعلق رکھنے والے غلام نبی چہوان کے ساتھ مل کر شوہر کے قتل کی سازش کی۔ ڈیجیٹل انویسٹی گیشن سیل اور جیو فینسنگ کی مدد سے ملزمان کی نشاندہی ممکن ہوئی۔ علاوہ ازیں ایک اور ملزم علی خان ملاح کو شواہد کی بنیاد پر گرفتار کیا گیا۔
دادو کے تھانہ اے سیکشن میں ملزمان کے خلاف قتل کا مقدمہ درج کر لیا گیا ہے اور پولیس مزید تفتیش کر رہی ہے تاکہ تمام شواہد اکٹھے کر کے مقدمے کو عدالت میں مضبوط بنایا جا سکے۔