کینڈی (اسپورٹس ڈیسک): ICC Men’s T20 World Cup کے سپر ایٹ مرحلے میں پاکستان نے سنسنی خیز مقابلے کے بعد سری لنکا کو 5 رنز سے شکست دے دی، تاہم سیمی فائنل کی دوڑ سے باہر ہو گیا۔ گرین شرٹس کو آخری چار میں رسائی کے لیے سری لنکا کو 147 رنز یا اس سے کم پر محدود کرنا تھا، مگر ہدف حاصل نہ ہو سکا اور بہتر رن ریٹ کی بنیاد پر New Zealand national cricket team سیمی فائنل میں پہنچ گیا، جبکہ England cricket team پہلے ہی کوالیفائی کر چکا تھا۔
کراچی میں 24 گھنٹوں میں پرائس چیکنگ کی 309 کارروائیاں، لاکھوں کی اشیاء نیلام
کینڈی میں کھیلے گئے میچ میں سری لنکن کپتان Dasun Shanaka نے ٹاس جیت کر پاکستان کو پہلے بیٹنگ کی دعوت دی۔ اہم میچ میں پاکستانی ٹیم مینجمنٹ نے بڑا فیصلہ کرتے ہوئے Babar Azam، Saim Ayub اور Salman Mirza کو پلیئنگ الیون سے باہر رکھا، جبکہ Naseem Shah، Khawaja Nafay اور Abrar Ahmed کو شامل کیا گیا۔
پاکستان کی دھواں دار بیٹنگ
پاکستان نے مقررہ 20 اوورز میں 8 وکٹوں کے نقصان پر 212 رنز کا بڑا مجموعہ ترتیب دیا۔ اننگز کی بنیاد اوپنرز Sahibzada Farhan اور Fakhar Zaman نے رکھی، جنہوں نے 176 رنز کی ریکارڈ ساز شراکت قائم کی۔ صاحبزادہ فرحان نے شاندار 100 رنز بنائے جبکہ فخر زمان 84 رنز کے ساتھ نمایاں رہے۔
دیگر بیٹرز خاطر خواہ کارکردگی نہ دکھا سکے۔ خواجہ نافع 2، شاداب خان 7 جبکہ محمد نواز اور سلمان آغا صفر پر پویلین لوٹے۔
یہ صاحبزادہ فرحان کی رواں ایڈیشن میں دوسری سنچری تھی اور وہ ایک ہی ٹی ٹوئنٹی ورلڈکپ ایڈیشن میں دو سنچریاں بنانے والے پہلے کھلاڑی بن گئے۔
سری لنکا کا بھرپور جواب
213 رنز کے تعاقب میں سری لنکا نے بھرپور مزاحمت کی اور 6 وکٹوں کے نقصان پر 207 رنز بنا ڈالے۔ کپتان داسن شناکا 76 رنز کے ساتھ نمایاں رہے جبکہ پوون رتنائیکے نے 58 رنز کی ذمہ دارانہ اننگز کھیلی۔
پاکستان کی جانب سے ابرار احمد نے 3 وکٹیں حاصل کیں، جبکہ نواز، نسیم شاہ اور شاہین آفریدی نے ایک، ایک کھلاڑی کو آؤٹ کیا، تاہم مطلوبہ مارجن سے کامیابی حاصل نہ ہو سکی۔
یوں پاکستان کی فتح بھی اسے سیمی فائنل میں نہ پہنچا سکی اور گرین شرٹس ٹی ٹوئنٹی ورلڈکپ 2026 سے باہر ہو گئے۔