Zaheer Ahmed Baber Sidhu، سربراہ Pakistan Air Force نے اپنے سرکاری دورۂ Indonesia کے دوران صدر Prabowo Subianto سے ملاقات کی۔
ڈسٹرکٹ سینٹرل میں جرائم پیشہ عناصر کے خلاف بھرپور کریک ڈاؤن، متعدد ملزمان گرفتار
ملاقات کے دوران ائیر چیف نے پاکستان اور انڈونیشیا کے درمیان مشترکہ اقدار اور دیرینہ برادرانہ تعلقات پر زور دیا۔ صدر پرابوو سوبیانتو نے انڈونیشیا کی دفاعی صلاحیتوں میں اضافے کے لیے پی اے ایف کے جدید تربیتی ماحولیاتی نظام اور ایرو اسپیس ترقی کے بنیادی ڈھانچے سے استفادہ کرنے میں گہری دلچسپی کا اظہار کیا۔
قبل ازیں، ائیر چیف نے انڈونیشیا کے وزیر دفاع لیفٹیننٹ جنرل (ر) سجفری سجام الدین، انڈونیشین نیشنل آرمڈ فورسز کے کمانڈر اور انڈونیشین ائیر چیف سے علیحدہ علیحدہ اعلیٰ سطحی ملاقاتیں کیں، جہاں انہیں گارڈ آف آنر پیش کیا گیا۔
انڈونیشین فضائیہ کے سربراہ کے ساتھ ملاقات میں فضائیہ سے فضائیہ کے درمیان تعاون کے فروغ، بنیادی سے اعلیٰ سطح تک مشترکہ تربیت، پیشہ ورانہ تبادلوں اور ابھرتے ہوئے ایرو اسپیس شعبوں میں اشتراک پر تبادلہ خیال کیا گیا۔ انڈونیشین ائیر چیف نے پی اے ایف کے وسیع جنگی تجربے کو سراہتے ہوئے آپریشنل اور فلائنگ ٹریننگ میں تعاون کی خواہش ظاہر کی۔
دوطرفہ فضائی تعاون کو مضبوط بنانے میں نمایاں کردار کے اعتراف میں ائیر چیف مارشل ظہیر احمد بابر سدھو کو انڈونیشین فضائیہ کے اعلیٰ ترین اعزاز “میڈل آف آنر” سے نوازا گیا۔
مزید برآں، ائیر چیف نے انڈونیشیا کے وزیر دفاع اور چیف آف ڈیفنس فورسز کے ساتھ مشترکہ ملاقات میں دفاعی و سیکیورٹی کے وسیع امور پر بھی تبادلہ خیال کیا۔ انڈونیشیائی قیادت نے پی اے ایف کی پیشہ ورانہ مہارت اور جدید کاری کے عمل کو سراہتے ہوئے نیشنل ایرو اسپیس سائنس اینڈ ٹیکنالوجی پارک کے جدید تکنیکی انفراسٹرکچر کی بھی تعریف کی۔