اینٹی نارکوٹکس فورس (ANF) نے انٹیلی جنس معلومات کی بنیاد پر گوادر ریجن میں ایک شاندار کارروائی کرتے ہوئے بین الاقوامی منشیات اسمگلنگ نیٹ ورک کے خلاف کامیابی حاصل کی۔ کارروائی کے دوران 1.2 ٹن چرس برآمد کی گئی، جس کی عالمی منڈی میں مالیت تقریباً 66.15 ملین امریکی ڈالر بنتی ہے۔
سلطان کوٹ میں تین اغوا کی کوشش کی خبر بے بنیاد، افواہوں سے گریز کی اپیل — ایس ایس پی شکارپور
ذرائع کے مطابق، اے این ایف نے بدنام زمانہ منشیات اسمگلر اسحاق بلوچ کی زیرِ سرپرستی کام کرنے والے بین الاقوامی منشیات اسمگلنگ گروپ کی کڑی نگرانی کی۔ یہ گروہ پنجگور سے تربت کے راستے گوادر اور پسنی تک منشیات منتقل کرنے میں ملوث تھا، جہاں سے سمندری راستے سے تیز رفتار ماہی گیر کشتیوں کے ذریعے منشیات کو خلیجی ممالک، یمن اور تنزانیہ بھیجا جانا تھا۔
موصولہ اطلاع کے بعد، اے این ایف نے پنجگور–تربت قومی شاہراہ (M-8) پر ٹرک کو روکا اور تلاشی کے دوران 1200 کلوگرام اعلیٰ کوالٹی چرس برآمد کی۔ اس موقع پر ٹرک میں سوار دو ملزمان کو بھی گرفتار کر لیا گیا۔ ابتدائی تحقیقات میں پتہ چلا کہ منشیات کا اصل وصول کنندہ اسحاق بلوچ ہے، اور یہ منشیات افغانستان سے پاکستان منتقل کی گئی تھی تاکہ بعد میں بیرون ممالک اسمگل کی جا سکے۔
گرفتار ملزمان کے خلاف انسداد منشیات ایکٹ کے تحت مقدمہ درج کر کے گروہ کے سرغنہ اور دیگر ارکان کی گرفتاری کے لیے قانونی کارروائی شروع کر دی گئی ہے۔
