کراچی: گل پلازہ سانحہ کی تحقیقات میں تیزی آ گئی ہے اور سندھ بلڈنگ کنٹرول اتھارٹی (ایس بی سی اے) نے کمشنر کراچی کو عمارت کے مکمل ریکارڈ کیساتھ سات فائلیں پیش کر دی ہیں۔
ورلڈکپ: بنگلادیش بھارت نہ جانے کی صورت میں نئی ٹیم شامل، آئی سی سی کا فیصلہ
جمع کرائی گئی سات فائلوں میں سے تین فائلیں گل پلازہ کے زیر التواء عدالت کے کیسز سے متعلق ہیں جن میں 1992، 2015 اور 2021 کے کیسز شامل ہیں۔ فائلوں میں خلاف ضابطہ تعمیرات کے دستاویزات، ریوائز پرپوزڈ پلان، ریگولرائزیشن پلان اور عمارت کی منظوری سے متعلق رپورٹ بھی موجود ہے۔
اصل فائلیں پلاٹ نمبر 32، پی آر-01، پریڈی کوارٹرز، ضلع ساؤتھ میں جمع کرائی گئی ہیں۔ عدالت کیس فائل سی پی نمبر 4138/2015 میں 86 صفحات اور نوٹنگ شامل ہیں، سی پی نمبر 971/2021 میں 50 صفحات اور سی پی نمبر 1081/92 میں 16 صفحات کے نوٹس موجود ہیں۔ خلاف ضابطہ تعمیرات کی فائل میں 6 صفحات کی خط و کتابت شامل ہے۔
ریوائز پرپوزڈ بلڈنگ پلان فائل میں 57 صفحات اور 6 صفحات کی نوٹنگ، رپورٹ فائل میں 135 صفحات اور 7 صفحات تک نوٹنگ، جبکہ ریگولرائزیشن فائل میں 41 صفحات اور 7 صفحات کی نوٹنگ شامل کی گئی ہے۔
ایس بی سی اے نے سانحہ کے چار روز بعد یہ مکمل ریکارڈ جمع کرایا، جس سے تحقیقات میں آسانی اور شفافیت کو فروغ ملے گا۔