حکومتی کاوشوں کے نتیجے میں بلوچستان میں ریلوے سفر کو عوام کے لیے محفوظ اور پُراعتماد بنا دیا گیا ہے۔ وفاقی وزیر ریلوے محمد حنیف عباسی نے کوئٹہ میں جعفر ایکسپریس کی سیکیورٹی صورتحال کا تفصیلی جائزہ لیا اور جدید انتظامات کو مؤثر اور تسلی بخش قرار دیا۔
کیماڑی سائٹ اے پولیس کی کارروائی، منشیات کی ترسیل میں ملوث ملزم گرفتار
وفاقی وزیر ریلوے نے جعفر ایکسپریس میں جدید ٹیکنالوجی سے لیس بی کے سی (BKC) بوگی کو ایک اہم اور مؤثر اقدام قرار دیتے ہوئے کہا کہ اس سے مسافروں کے تحفظ کو مزید یقینی بنایا گیا ہے۔ انہوں نے فول پروف سیکیورٹی انتظامات پر پاک فوج اور ایف سی بلوچستان نارتھ کی پیشہ ورانہ خدمات کو سراہا۔
محمد حنیف عباسی کا کہنا تھا کہ جعفر ایکسپریس کو بلوچستان کے مسافروں کے لیے محفوظ، پُراعتماد اور اطمینان بخش بنا دیا گیا ہے، جبکہ مسافروں کی جان و مال کا تحفظ حکومت اور پاک فوج کی اولین ترجیح ہے۔
انہوں نے بتایا کہ ریلوے ٹریکس کی 24 گھنٹے نگرانی، جدید کیمروں کی تنصیب اور ٹرین میں مناسب تعداد میں سیکیورٹی اسٹاف کی تعیناتی کو یقینی بنایا گیا ہے۔ ان اقدامات کے نتیجے میں پاک فوج اور ایف سی بلوچستان کی مؤثر سیکیورٹی کے باعث بلوچستان کے عوام کا ریلوے سفر پر اعتماد بحال ہو رہا ہے۔
وفاقی وزیر ریلوے نے مزید کہا کہ سیکیورٹی فورسز کے جدید اقدامات سے نہ صرف سفری سہولیات میں بہتری آئی ہے بلکہ بلوچستان میں پائیدار امن کے قیام کے لیے حکومت اور سیکیورٹی ادارے باہمی تعاون سے مسلسل اقدامات کر رہے ہیں۔