ایڈیشنل آئی جی کراچی آزاد خان سے لوکل گڈز ٹرانسپورٹ ایسوسی ایشن کی سربراہی میں آل پاکستان آئل ٹینکر اونرز ایسوسی ایشن اور کراچی ٹرانسپورٹ ویلفیئر ایسوسی ایشن کے وفود نے کراچی پولیس آفس میں ملاقات کی۔
کراچی: نارتھ ناظم آباد پولیس کی کارروائی، کار لفٹنگ کے سرغنہ علی نواز گرفتار
اس موقع پر ڈی آئی جی ایڈمن، ڈی آئی جی ٹریفک، صدر لوکل گڈز ٹرانسپورٹ محمد رمضان، وائس پریزیڈنٹ محمد عثمان، چیئرمین آل پاکستان آئل ٹینکر ایسوسی ایشن گلفراز خان جدون، وائس چیئرمین خانزادہ محسود اور کراچی ٹرانسپورٹ ویلفیئر ایسوسی ایشن کے صدر حاجی رفیق نیازی بھی موجود تھے۔
وفد نے ایڈیشنل آئی جی کراچی کو عہدے کی مبارکباد پیش کی۔ ملاقات کے دوران ٹرانسپورٹ اور آئل ٹینکرز سے وابستہ درپیش مسائل، سیکیورٹی امور اور باہمی تعاون کے مختلف پہلوؤں پر تفصیلی تبادلۂ خیال کیا گیا۔
ایڈیشنل آئی جی کراچی نے وفود کے مسائل غور سے سنے اور ان کے حل کے لیے متعلقہ افسران کو ہدایات جاری کیں، جبکہ پولیس کی جانب سے ہر ممکن تعاون کی یقین دہانی بھی کرائی گئی۔ آخر میں وفد نے ایڈیشنل آئی جی کراچی کو پھولوں کا گلدستہ پیش کیا اور نیک خواہشات کا اظہار کیا۔
