وزیر بلدیات سندھ سید ناصر حسین شاہ نے یو اے ای کے شاہی خاندان کی اہم شخصیت، شیخ احمد بن خلیفہ سعید المختوم، کا کراچی ایئر پورٹ پر استقبال کیا۔
شرجیل انعام میمن حقائق سے انکاری بیانات سے تاریخ نہیں بدلے گی پیپلز پارٹی عوام کی خدمت پر گامزن ہے
اس موقع پر سید ناصر حسین شاہ نے شیخ احمد بن خلیفہ سعید المختوم کو خوش آمدید کہا اور کہا کہ ان کا پاکستان میں قیام خوش آئند ہے۔ وزیر بلدیات کے مطابق قیام کے دوران شیخ احمد مختلف اہم شخصیات سے ملاقاتیں کریں گے اور سندھ میں سرمایہ کاری کے مواقع پر بات چیت کریں گے۔
سید ناصر حسین شاہ نے مزید کہا کہ سندھ میں سرمایہ کاری کے بہترین مواقع موجود ہیں، اور پاکستان اور یو اے ای کے تعلقات برادرانہ اور مضبوط ہیں۔ انہوں نے کہا کہ ہر مشکل میں پاکستان یو اے ای کے ساتھ کھڑا ہے، اور دونوں ممالک باہمی تعاون اور سرمایہ کاری کے فروغ میں مستقل دلچسپی رکھتے ہیں۔
شیخ احمد بن خلیفہ سعید المختوم کے دورے سے دونوں ممالک کے درمیان اقتصادی اور تجارتی تعلقات میں مزید بہتری کی توقع کی جا رہی ہے۔