کراچی/مانسہرہ: یونائیٹڈ ورکرز یونین لیاری ٹاؤن کے بانی اور سینئر مزدور رہنما سید معصوم شاہ علالت کے باعث کراچی کے علاقے بلدیہ ٹاؤن میں انتقال کر گئے، جبکہ مزدور رہنما غلام مصطفیٰ کی والدہ اچانک دل کا دورہ پڑنے سے مانسہرہ میں وفات پا گئیں۔
تمام ٹریفک چالان عوام کے لیے آن لائن کیے جائیں، شفافیت اور اعتماد بحال ہوگا: طحہٰ احمد خان
مرحوم سید معصوم شاہ کی نمازِ جنازہ بلدیہ ٹاؤن میں ادا کی گئی، جس میں مزدور تنظیموں کے رہنماؤں، کارکنان اور اہلِ علاقہ کی بڑی تعداد نے شرکت کی۔ دوسری جانب غلام مصطفیٰ کی والدہ کی نمازِ جنازہ بیدادی مانسہرہ میں ادا کر دی گئی، جس کے بعد غلام مصطفیٰ اہلِ خانہ کے ہمراہ مانسہرہ روانہ ہو گئے۔
سید معصوم شاہ اور غلام مصطفیٰ کی والدہ کے انتقال کی اطلاع ملتے ہی مختلف مزدور رہنماؤں اور سماجی شخصیات نے مرحومین کی رہائش گاہوں پر پہنچ کر اہلِ خانہ سے تعزیت اور ہمدردی کا اظہار کیا۔ تعزیت کرنے والوں میں سید ذوالفقار شاہ، راجہ عاصم شہزاد، نذیر تبسم، محمد خورشید، محمد راشد، لالہ ایوب اور دیگر شامل تھے۔
تعزیت کرنے والوں نے مرحومین کے درجات کی بلندی اور پسماندگان کے لیے صبر و استقامت کی دعا کی۔