ایس ایس یو کمانڈوز نے شہر کے مختلف اہم سرکاری دفاتر اور تنصیبات میں انسدادِ دہشت گردی کی فرضی مشقوں کا سلسلہ جاری رکھا، جن کا مقصد افسران، ملازمین اور ٹرینیز کو ہنگامی یا دہشت گردانہ صورتحال میں مؤثر، فوری اور منظم ردِعمل کی عملی تربیت فراہم کرنا تھا۔
آئی جی سندھ غلام نبی میمن کی سکھر آمد، زخمی ڈی ایس پیز اور اہلکاروں کی عیادت — بہادری کو سراہا
مشقیں اے جی پی آر، اے جی سندھ، نیپا، عوامی مرکز، ڈپٹی کمشنر ایسٹ آفس، ریجنل پاسپورٹ آفس، پی ٹی وی ہیڈکوارٹرز اور ریڈیو پاکستان میں منعقد کی گئیں۔
مشقوں کے دوران ایس ایس یو کمانڈوز نے دہشت گرد حملے کے فرضی مناظر پیش کیے، جن میں شامل تھا:
-
ٹیکٹیکل ریسپانس
-
فوری انخلا اور ایویکیوشن پروسیجرز
-
محفوظ پناہ لینے کی تکنیکس
-
ہنگامی حالات میں مربوط حکمتِ عملی
ڈی آئی جی سیکیورٹی ڈاکٹر مقصود احمد نے کہا کہ موجودہ سیکیورٹی صورتحال کے تناظر میں ایسی مشقیں نہایت ضروری ہیں تاکہ اداروں کے عملے کو بہتر طور پر تیار کیا جا سکے۔
انہوں نے مزید کہا کہ ان مشقوں کے انعقاد میں تمام متعلقہ اداروں نے مکمل تعاون فراہم کیا، جس سے مجموعی سیکیورٹی ریسپانس کو مزید مؤثر بنانے میں مدد ملی۔